Ұлттық банк төрағасының орынбасары Берік Шолпанқұлов Ұлттық қордың былтырғы инвестициялық табысынан Қазақстандағы балалардың шотына биыл түсетін қаражаттың сомасы бүгін белгілі болатынын мәлім етті, деп хабарлайды KYN.KZ ақпарат агенттігі Azattyq Rýhy сайтына сілтеме жасап.

Шолпанқұлов бұл салаға жауапты орынбасар емеспін дегенді алға тартып нақты қанша сома түсетінін тікелей айта алмады.

«Бүгін Ұлттық банк оны сайтында жариялайды», - деді Сенат кулуарында ол.

Айта кетейік, Ұлттық қордың инфестициялық кірісінің 50 пайызы Қазақстандағы бүкіл балаларға тең бөлініп, жыл сайын олардың есепшотына түсіп отырады.