Қазақстанда жанар-жағармай бағасын мемлекеттік реттеу ресми түрде жойылды. Осыған байланысты Үкімет отырысында Көлік министрі Марат Қарабаев такси қызметтерінің бағасы көтеріле ме деген сауалға жауап берді  деп хабарлайды KYN.KZ ақпарат агенттігі.

Министрдің айтуынша, такси қызметінің бағасын мемлекет белгілемейді, сұраныс пен ұсынысқа байланысты қалыптасады.

Жанармай негізгі шығын факторларының бірі ретінде алдымен нарыққа шығады, содан кейін такси компаниялары мен жүргізушілер нарық жағдайына назар аудара отырып, жол жүру құнын дербес анықтайды.

«Ең маңызды міндет – қазақстандық такси жүргізушілерінің құқығын қорғау. Біз бұл өзгерістерді жүргізушілер агрегаторлармен бір шақырым жолдың қанша тұратынын және қызметке қанша пайыз беретінін талқылауы үшін енгізіп жатырмыз. Тек заңды тұлғалар тартылады деп көзделіп отыр, бізде 2000 кәсіпорын, 10000 автокөлік бар. Біз Мәжіліспен бірлесе отырып, жұмыс істеп жатырмыз. Біз оны жекелеген аймақтарда пилоттық режимде бөлек қолданғымыз келеді. Яғни, СРО-ны жаппай енгізу болмайды», - деп атап өтті министр.