Тележүргізуші Динара Сәтжан Жұлдыз Әбдікәрімованың мәселесіне қатысты жаңалығымен бөлісті, деп хабарлайды KYN.KZ ақпарат агенттігі.

Айтуынша, актриса Жұлдыз Әбдукаримова сұхбаттан кейін пәтерінің қаражатын қайтарып алған.

“Жұлдыз Әбдукәрімовамен сұхбатты екі аптада 400 мыңға жуық адам көрді. Төрт жыл бойы ол Астанадағы коттедж қалашығын жарнамалап, сол жерде тұруды армандады. Үй иесіне өзіне тиесілі үлкен пәтерді паркингімен қоса болашақ үйіне айырбастау үшін берген. Бірақ соңында түксіз қалды. Екі азаматтық сотта жеңілді. Полицияға арыз жазды. Пресс-конференция өткізді. Бірақ іс алға жылжымады. Біздің сұхбатымыз Диляра Тәжімбетоваға қалай әсер еткенін білмеймін, бірақ өткен аптада Жұлдыз бұл мәселені шешті”, – деп жазды Динара Сәтжан өзінің Instagram парақшасында.

Айта кетсек, осыған дейін актриса өзін “бір топ алаяқ адамдардың” алдап кеткенін айтқан болатын.