Парламент Мәжілісінің қарауына Салық кодексінің жобасына түзетулер енгізілді, деп хабарлайды KYN.KZ ақпарат агенттігі.

Салық кодексінің жобасына түзетулер топтамасы 20 ақпанда Мәжіліске ұсынылды.

Негізгі түзетулер қатары:

• Қосылған құн салығы бойынша міндетті тіркеу шегін төмендету –20 000 МРП (78,6 млн теңге) 3 800 МРП (15 млн теңге) дейін; 
• Қосылған құн салығының мөлшерлемесін арттыру – 12%-дан 16%-ға дейін, бұған қоса бірқатар салалар үшін төмендетілген мөлшерлеме 10% белгіленеді; 
• Жеңілдетілген декларация бойынша арнайы салық режимін қолдануды шектеу –   тек B2C сегментіне (бизнес түпкілікті тұтынушылар үшін) қолжетімді болады.

Естеріңізге сала кетейік, 11 ақпанда Премьер-Министр Олжас Бектенов 20 ақпанға дейін Салық кодексіне өзгерістер мен толықтырулар енгізу жобасын Мәжіліске енгізуді тапсырған болатын.