Атырауда қызды күштеп үрлап кетпекші болған жігітке айыппұл салынды, деп хабарлайды KYN.KZ ақпарат агенттігі.

Бұл оқиға 18 ақпанда болған. Әлеуметтік желіде Атырау тұрғынының қызды күштеп көлікке отырғызған сәті түсірілген видео тарап кеткен болатын. 

Соттың мәліметінше, алғашында қыз көлікке өз еркімен мінген. Бірақ біраз уақыттан соң екеуінің арасында жанжал туындап, қыз көліктен түсіп кеткен. Күдікті Е есімді жігіт ашуланып, бойжеткенді күшпен көлікке отырғызған.

22 жастағы жәбірленуші К өз баяндамасында азаматтың әрекеттеріне ешқандай арыз-шағымы жоқ екенін атап өтті.

Атырау қаласының мамандандырылған әкімшілік соты күдікті Е-ні кінәлі деп тапты. Енді ол 78 640 теңге айыппұл төлеуі керек.

Сот шешімі заңды күшіне енген жоқ.