Қазақстанда көліктен басын шығарған жолаушыларға 393 мың теңге айыппұл салынады, деп хабарлайды KYN.KZ ақпарат агенттігі Orda.kz.  сайтына сілтеме жасап.

Бұл туралы ІІМ әкімшілік полиция комитетінің төрағасы Қайсар Сұлтанбаев мәлімдеді. Оның айтуынша, әкімшілік кодекске өзгеріс енгізілген. 

«Бізде кейбір кезде жастар көліктен басын шығаратын қауіпті жағдай болып жатады. Осы бойынша да әкімшілік кодекске және заңдарға өзгерістер енгізілді. Бұл норма ең алдымен жолаушыларды тасымалдау кезінде өмірі мен денсаулық қауіпсіздігіне бағытталған», - деді ол.

Қайсар Сұлтанбаев мектеп бітіру кештерінде, үйлену тойлары кезінде көптеген адамдар өз өмірін қатерге тігетінін айтты.

Жаңа заң бойынша жүріп бара жатқан көліктің терезесінен басын шығарғаны үшін азаматтарға 10 АЕК (393 200 теңге, 1 АЕК – 3 932 теңге) айыппұл салынады.