Мәжілістің жалпы отырысында депутаттар Салық кодексінің жаңа жобасын бірінші оқылымда мақұлдады, деп хабарлайды KYN.KZ ақпарат агенттігі.

Жаңа кодексті 94 депутаттың 76-сі қолдады, 7-еуі қарсылық танытты. 9 депутат қалыс қалды. Бір депутат дауыс бермеді.

Үкімет қосылған құн салығы бойынша шекті мәнді 40 миллион теңге деңгейінде белгілеуді ұсынып отыр. Қосымша құн салығының мөлшерлемесі – 16% болады. 

Кейбір салалар ҚҚС төлеуден босатылды. Қосымша құн салығынан әлеуметтік маңызы бар азық-түлік өнімдері, кітап басып шығару, археология босатылады.

Үкімет әлеуметтік және денсаулық сақтау саласында ҚҚС-тан босатылған дәрі-дәрмектердің тізімін анықтайды. Тек ақылы медициналық қызметтерге салық салынады. Оның сыйақысы – 10%. Әлеуметтік салада корпоративтік табыс салығы асықпай енгізіледі. 2026 жылдан бастап 5%, 2027 жылдан бастап 10% болады. 

Банктік операцияларға да қосымша құн салығы салынады.

Жекелеген салалар үшін салық мөлшерлемелері мынадай болады:

- Банктер үшін – 25%

- Құмар ойын саласы үшін – 25%

- Әлеуметтік бағыттағы мекемелер үшін – 10%

- Өңдеу өнеркәсібі үшін – 10%

- Ауыл шаруашылығы үшін – 3%

Негізгі салық мөлшерлемесі 20% болып қала береді.

Қазіргі уақытта депутаттар ұсынған шараларды талқылау жұмыстары жалғасуда.