Үйлену оңай, ажырасу — қымбат. Ерлі-зайыпты некесін бұзатын болса, төленетін бажды 1966 теңге емес — 19 мың 660 теңгеге дейін көтеру ұсынылды, деп хабарлайды KYN.KZ ақпарат агенттігі КТК жаңалықтарына сілтеме жасап.

Мәжіліс депутаттары осы мәселені көтерді. Мәжілісмен Берік Бейсенғалиевтің айтуынша, бұл өзгеріс азаматтарды ажырасу туралы шешімді эмоцияға берілмей, байсалмен қабылдауға итермелейді.

Олардың сөзіне сенсек, бұл бастама мемлекеттік бюджетті толтыруды емес, отбасы құндылықтарына деген жауапты арттыруды көздейді. Яғни жастар арасында ажырасудың азаюына себеп болмақ.