Әнші Димаш Құдайберген жақында Stranger концерті еліміздің кинотеатрларынан көрсетілетінін айтты, – деп хабарлайды KYN.KZ

Бұл туралы әнші Instagram-дағы парақшасында жазды. 

"Құрметті достар! 27 мамырда Қазақстанның барлық кинотеатрларында STRANGER жеке концертімнің премьерасы өтеді! Бұл күні мен де сіздермен бірге тамашалаймын! Жақында Алматыда кездескенше, Dears", - деп жазды әнші әлеуметтік желіде.

Бұл жаңалықты көрермен қуана қабылдады.

Айта кетейік, 26 мамырда Almaty Astana стадионында әнші "D and Dears" фан-кездесуін өткізеді. Іс-шара Димаш Құдайбергеннің туған күніне орайластырылып отыр.