Қазақстанды қатты ыстық күтіп тұр деген видео әлеуметтік желілерде тарап кетті. Бұған қатысты Қазгидромет түсініктеме берді, деп хабарлайды KYN.KZ ақпарат агенттігі.

Видеода мұндай ыстықтың 60 жылда бір рет қайталанатыны туралы айтылған. Алайда синоптиктер бұл ақпараттың шындыққа жанаспайтынын айтты.

«Қазақстанда аномальды ыстық күтіледі деген ақпарат шындыққа сәйкес келмейді. Ресми ақпаратқа ғана сенуді, интернеттегі күмәнді дереккөздерге сенбеуді сұраймыз», деп мәлімдеді «Қазгидромет» РМК баспасөз қызметі.