Синоптиктер елімізде 1-2 маусымға арналған ауа райы болжамын жасады, деп хабарлайды KYN.KZ ақпарат агенттігі.

Қазақстанның басым бөлігінде ауа райы тұрақсыз болады. Жаңбыр жауып, найзағай, екпінді жел болады. Күндізгі уақытта бұршақ күтіледі.

1 маусым күндіз республиканың оңтүстік-шығысының таулы аймақтарында, 2 маусымда батысында, оңтүстік-шығысының таулы аймақтарында қатты жаңбыр жауады. Ал оңтүстік-батысында, оңтүстігінде, оңтүстік-шығысында шаңды дауыл күтіледі. Еліміздің батысында, солтүстік-батысында қатты ыстық басылады деп күтілуде.

Басқа өңірлерде ауа температурасы біртіндеп жоғарылауы мүмкін. Күндіз еліміздің орталығында, оңтүстігінде 35-40 градус қатты ыстық болады деп болжануда.