Синоптиктер жаздың алғашқы күндеріне арналған ауа райы болжамын жасады, деп хабарлайды KYN.KZ ақпарат агенттігі.

"Қазгидромет" РМК мәліметінше, республиканың басым бөлігінде ауа райы тұрақсыз болады. Жаңбыр жауып, найзағай ойнайды, сондай-ақ жел күшейеді. Ал күндіз бұршақ жаууы мүмкін.

1 маусым күні оңтүстік-шығыстағы таулы аймақтарда, 2 маусымда батыс пен оңтүстік-шығыста нөсер жаңбыр жауады. Оңтүстік-батыс, оңтүстік және оңтүстік-шығыс өңірлерде шаңды дауыл соғуы ықтимал.

Батыс пен солтүстік-батыста аптап ыстық бәсеңдейді. Ал қалған өңірлерде ауа температурасы біртіндеп көтеріледі. Елдің орталығы мен оңтүстігінде күндізгі уақытта 35-40 градусқа дейін қатты ыстық болады деп болжанып отыр.