Жамбыл облысында ер адам азаматтық некедегі әйелінің көлігін әдейі өртеп жіберген, деп хабарлайды KYN.KZ ақпарат агенттігі. 

2025 жылдың наурыз айының соңында азаматтық некедегі ерлі-зайыптының арасында жанжал туғаг. Салдарынан А. ашуға бой алдырып, көлікті өртеп жіберген.

“Азаматтық некедегі жұп BMW 530i маркалы көлікті несиеге алған. Жалпы құны – 4 миллион теңге, алғашқы жарнасы – 800 мың теңге болған”,– делінген сот хабарламасында.

Жәбірленуші И. есімді әйелдің жүргізуші куәлігі болмағандықтан, көлік уақытша А.-ның иелігіне берілген. Көлікке сақтандыру полисі де рәсімделген.

Ер адам кінәсін толық мойындады. Жәбірленушіге келтірілген шығынды толықтай өтеген.

Сот ер адамды 3 жыл 6 айға бас бостандығынан шектеу жазасын тағайындады.