Қазақстан мұсылмандары діни басқармасының төрағасы, бас мүфти Наурызбай қажы Тағанұлы қажылыққа деп жинап келген қаражатын мүмкіндігі шектеулі балаларға үлестіріп берген 93 жастағы Сағадат Жұмабаевқа алғысын білдірді, деп хабарлайды KYN.KZ ақпарат агенттігі.

Павлодарлық ақсақалға бас мүфти қажылыққа жолдама сыйлады. Бұл туралы мүфтияттың ресми сайтына  жарияланды.

ҚМДБ төрағасының тапсырмасымен Павлодар облысының бас имамы Жолдас Қоспақұлы мүфтият атынан берілген қажылық сапарының жолдама сертификатын Сағадат ақсақалға арнайы барып тапсырған.

Айта кетейік, Сағадат Жұмабаев Павлодар қаласындағы қарттар үйінде 13 жылдан бері тұрып келеді.