Шымкент әкімінің орынбасары Руслан Берденовке қастандық жасады деп айыпталған Ернар Жиенбайға қатысты қылмыстық іс сотқа жіберілді, деп хабарлайды KYN.KZ ақпарат агенттігі.

Жиенбай ҚР Қылмыстық кодексінің екі бабы — 24-баптың 3-бөлігі ("Қылмысқа дайындалу және қылмысқа оқталу") және 99-баптың 1-бөлігі ("Адам өлтіру") бойынша айыпталып отыр

Алдын ала тыңдау 28 шілде күні сағат 10:00-ге белгіленген.

Еске салсақ, Шымкент әкімінің орынбасары Руслан Берденовке қала әкімдігі ғимаратының маңында 2025 жылдың 21 сәуірінде шабуыл жасалды. Оған бірнеше рет оқ атылып, жараланған. Шенеунік дереу ауруханаға жеткізіліп, ота жасалды.