"Қазгидромет" РМК синоптиктер 23 шілдеге арналған ауа райы болжамын жасады. Қазақстанда аптап ыстық, найзағайлы жаңбыр, бұршақ жаууы мүмкін, деп хабарлайды KYN.KZ ақпарат агенттігі.

Батыс, солтүстік және солтүстік-батыс өңірлерде найзағайлы жаңбыр жауады, солтүстікте күндіз бұршақ күтіледі. Елдің басқа өңірлерінде жауын-шашынсыз ауа райы сақталады.

Жел күшейіп, батыс, оңтүстік және шығыс аймақтарда шаңды дауыл болуы ықтимал. Түнде және таңертең солтүстікте тұман түседі.

Күндіз аптап ыстық Маңғыстау облысы – +38…+40°C; Батыс Қазақстан облысы – +35…+36°C; Атырау облысы – +35…+39°C; Жетісу облысы – +35…+37°C, Алматы облысы – +35…+39°C; Жамбыл облысы – +35…+39°C; Түркістан облысы – +40…+42°C; Қызылорда облысы – +40…+42°C; Ұлытау облысы – +35…+38°C; Қостанай облысының оңтүстігі – +35°C; Ақтөбе облысы – +35°C болады.

Алматы облысының батысы мен солтүстігі – +42°C дейін; Ақтөбе облысының оңтүстігі мен оңтүстік-шығысы – +40°C дейін қатты ыстық болады.