Перизат Қайрат пен оның анасы Ғайни Алашбаеваға қатысты іс бойынша бүгін жәбірленушілердің жарыссөзінде 12 адам сөз сөйледі, деп хабарлайды KYN.KZ ақпарат агенттігі. 

Жәбірленуші Руслан Томашев Перизат Қайраттың қорына белгілі бір мөлшерде ақша аударған. Ол екі айыпталушыға қатысты үкімді өзгеріссіз қалдыруды қажет екенін айтты.

«Шешіммен толықтай келісемін. Көптеген жәбірленуші жасы мен денсаулығын ескеріп, жеңілдік жасау туралы айтып жатыр. Меніңше, мұндай нәрсені түбінен тоқтату керек. Үкімді өзгеріссіз қалдыру қажет. Ешқандай жеңілдік жасалмауы, ауруы, жасы немесе басқа сылтауға жол бермеу керек», – деді жәбірленуші.

Сотта сөйлеген жәбірленушігің бірі Әмина Аймағанбетова Перизат Қайраттың анасыың әрекетін сынады.

«Ең қатаң жаза қолдану қажет. Өйткені анасы қайда қарап отырды? Қызын миллиардтарды ұрлаудан тыю керек еді», – деді ол.