Алматыда төбелесіп жатқандарды ажыратпақ болған полицияның өзі де соққы алды, деп хабарлайды KYN.KZ ақпарат агенттігі “Жетінші арнаға” сілтеме жасап.

“Театралка” маңында екі топтың жігіттері сөзге келіп, төбелескен. Жігіттердің жаға ұстасқан сәті видеоға түсіп қалған. 

“Театралкаға” келген қонақтары арасында өзара жанжал шығып, кейін ол жаппай төбелеске ұласқан.

Оқиға орнына келген полиция қызметкерлері жаға ұстасқан жігіттерді ажыратуға тырысқан. Алайда ашуға булыққан бұзақылар полиция қызметкерлеріне де жұдырық жұмсаған. 

“Төбелеске қатысқандардың барлығы ұсталып, уақытша ұстау изоляторына қамалды. “Бұзақылық” бабы бойынша сотқа дейінгі тергеу басталды”, – деп мәлімдеді қалалық полиция.