Еңбек және халықты әлеуметтік қорғау министрлігі жұмыссыз ретінде тіркелген әрі өмірлік қиын жағдайға тап болған 25 мыңға жуық қазақстандыққа SMS жіберіп, жұмыс ұсынады, деп хабарлайды KYN.KZ ақпарат агенттігі.

Бұл жұмысқа ірі қалалардағы және облыс орталықтарындағы адамдар шақырылмайды.

«Еңбек және халықты әлеуметтік қорғау министрлігі тіркелген жұмыссыздардың арасынан өмірлік қиын жағдайға тап болған 24790 қазақстандыққа жұмысқа орналасу мүмкіндіктері туралы SMS хабарлама жібереді. Ұлттық статистикалық бюросымен бірлескен жұмыс аясында республикалық маңызы бар қалалар мен облыс орталықтарының тұрғындарын қоспағанда, азаматтар бір мезгілде 1414 қызметінен ауыл шаруашылығы халық санағын өткізу үшін санақ қызметкері (сұхбаттасушы) ретінде жұмысқа орналасу мүмкіндігі туралы SMS-хабарламалар алады», - деп хабарлайды министрліктің баспасөз қызметі.

Айта кетейік, Қазақстанда 20 қыркүйек пен 20 қазан аралығында ауыл шаруашылығы санағы өтеді.