Астанада автобус жол апатына ұшырап, оқиға орнынан 14 адам ауруханаға жеткізілген, деп хабарлайды KYN.KZ ақпарат агенттігі.

Бұл туралы қоғамдық денсаулық сақтау басқармасы мәлімдеді.

"Қабанбай батыр көшесінде болған жол-көлік оқиғасы салдарынан 14 адам жедел жәрдем арқылы қалалық көпсалалы стационарларға, сондай-ақ Ұлттық шұғыл медицина үйлестіру орталығына жеткізілді", - делінген хабарламада.

Зардап шеккендер салалық мамандардың тексеруінен өткен. Олардың басым бөлігі жеңіл жарақат алған.

Нәтижесінде олардың бірқатары амбулаторлық емдеуге жіберілсе, ал қалғандары қосымша тексеруден өтіп жатыр.