«Қазгидромет» синоптиктері 28, 29 және 30 тамызға арналған ауа райы болжамын ұсынды, деп хабарлайды KYN.KZ ақпарат агенттігі.

Қазақстанның басым бөлігінде антициклон әсерінен жауын-шашынсыз ауа райы сақталады. Алайда 29 тамыздан бастап елдің солтүстік, орталық және шығыс өңірлерінде ауа райы тұрақсыз болады, ал 30 тамызда Қазақстанның оңтүстік-шығысын тұрақсыз ауа райы қамтиды.

«Жаңбыр, найзағай күтіледі, 30 тамызда солтүстікте, шығыста және орталықта бұршақ аралас нөсер жаңбыр жауып, екпінді жел соғады. Республика бойынша жел күшейеді, батыста, солтүстікте, солтүстік-батыста түнгі және таңғы уақытта тұман түсуі ықтимал», – деп хабарлады «Қазгидромет» синоптиктері.

Ауа температурасы:

         •        Батыс өңірде +20…+31 градус,

         •        Оңтүстік-батыста +27…+35 градус.

Айтарлықтай салқындау күтіледі:

         •        солтүстік-батыста +23…+33 градустан +15…+23 градусқа дейін,

         •        солтүстік облыстарда +30…+35 градустан +15…+23 градусқа дейін,

         •        орталықта +30…+37 градустан +18…+27 градусқа дейін,

         •        шығыста +22…+32 градустан +17…+28 градусқа дейін,

         •        оңтүстікте +30…+41 градустан +26…+35 градусқа дейін.

Оңтүстік-шығыста +33…+38 градусқа дейін қатты ыстық сақталады, таулы аймақтарда +23…+28 градус болады.