Руслан Берденов Шымкент қаласының әкімінің орынбасары қызметінен кетті, деп хабарлайды KYN.KZ ақпарат агенттігі.

Шымкент қаласы әкімінің орынбасары қызметінен ол өз өтініші бойынша кеткен. Руслан Берденов бұл қызметті биылғы жылдың ақпан айынан бері атқарып келген.

Берденов 2023 жылдың наурызынан қала әкімінің орынбасары болып тағайындалғанға дейін Қазақстан Республикасы Парламенті VIII шақырылымының депутаты, Қаржы және бюджет комитетінің мүшесі болды.

Бұрынғы мәжіліс депутаты Руслан Берденовке қастандық жасау ісі бойынша күдікті Ернар Жиембай 20 тамызда 9 жылға сотталды. 

Айыпталушы Ернар Жиембай сот отырысында Руслан Берденовке оқ атуына оның әйеліне көңіл білдіріп, жылы сөздер жазылған жеке хабарламалар жіберген себеп болғанын алға тартқан болатын.