Алматыда самокат мінген ер адам жаяу жүргіншіге шабуыл жасады. Оның көзіне үшкір зат сұғып алып, қашып кеткен, деп хабарлайды KYN.KZ ақпарат агенттігі.

Оқиға 3 қыркүйек күні болған. Күдіктінің бірнеше күннен кейін ұсталғаны белгілі болды.

«Аталған дерек бойынша Алмалы аудандық полиция басқармасы қылмыстық іс қозғады. Күдікті ұсталды. Қазіргі уақытта істің мән-жайын анықтау және кінәлі адамды жауапқа тарту мақсатында бірқатар тергеу шаралары жүргізіліп жатыр», – деп Полиция департаменті агенттік тілшісіне түсініктеме берді.

Жәбірленушінің көзіне бірнеше рет ота жасалған. Оның өз қаражатына емделіп жатқаны белгілі болды.