Құлсарыда ер адам көшеде балаларды сүймек болып, өзімен бірге әкетуге әрекеттенген, деп хабарлайды KYN.KZ тілшісі.

Бұл туралы облыстық полиция департаментінің баспасөз қызметі хабарлады. Қазіргі уақытта ол уақытша ұстау изоляторына қамалды

Жылыой аудандық полиция бөлімінің қызметкерлері 8-9 жастағы екі жасөспірімге қатысты заңсыз әрекеттер жасады деген күдікпен 1985 жылы туған Құлсары тұрғынын ұстады. Ер адам II топтағы мүгедек екені анықталды.

Аталған дерек бойынша қылмыстық іс қозғалып, сотқа дейінгі тергеу амалдары жүргізілуде.

Сотқа дейінгі тергеудің барысы Атырау облыстық полиция департаменті басшылығының ерекше бақылауында.