Павлодарда 13 жылдан бері қарттар үйінде тұратын 94 жастағы Сағадат Жұмабаев қажылыққа бару үшін жинаған ақшасын 30 әйелге бөліп берген, деп хабарлайды KYN.KZ ақпарат агенттігі.

Ол ақшаны көп жылдан бері жинап келген. Бірақ 3,6 млн теңгесін сырқат бала тәрбиелеп отырған аналарға таратып берді. 30 анаға тең бөлген кезде әйелдердің әрқайсысына 120 мың теңгеден келген.

Бас мүфти Наурызбай қажы Тағанұлы демеушілердің көмегімен қарияның бұл бұл ізгі ниеті үшін қасиетті қажылық сапарына жолдама сыйлады.

«Ұмра сапарына аттанар алдында Сағадат Жұмабаев Бас мүфтиге ақ батасын беріп, шынайы ризашылығын білдірді. Бас мүфти дәстүр жолымен ақсақалдың иығына шапан жапты. 94 жастағы қарияның қасиетті сапары оңынан болғай», - деп хабарлайды Мүфтияттың баспасөз қызметі.