Қазақстандықтар АҚШ-қа сәлемдеме жібере алмайды. Бұл туралы "Қазпошта" АҚ баспасөз қызметі маңызды мәлімдеме жасады, деп хабарлайды KYN.KZ ақпарат агенттігі.

"Қазпошта" баспасөз қызметі шектеу АҚШ тарапынан енгізілгенін түсіндірді.

"Қазпошта" АҚ" хабарлайды: АҚШ-тың шекаралық-кеден қызметінің 2025 жылғы 26 тамыздағы шешіміне сәйкес, АҚШ-тағы алушыларға тауар салынған сәлемдемелерді қабылдау және жеткізу уақытша тоқтатылады. Хаттар мен құжаттарды жіберу әдеттегі тәртіппен жалғасады", - деп мәлімдеді компания.

Ұлттық пошта операторы жаңа ережелердің әлемдегі көптеген елге қатысты екенін нақтылады.

"Қазір Дүниежүзілік пошта одағына мүше 192 мемлекеттің тек 5-і ғана АҚШ-қа сәлемдеме жібере алады, – деп мәлімдеді "Қазпошта" баспасөз қызметі.