Қызылордада 16 жастағы қызды сыныптастары жезөкшелікпен айналысуға мәжбүрлеу оқиғасына байланысты жәбірленушінің анасы әкімшілік жауапқа тартылды, деп хабарлайды KYN.KZ ақпарат агенттігі.

Іс Қызылорда облысының кәмелетке толмағандардың істері жөніндегі мамандандырылған ауданаралық сотында қаралды.

Сот хабарламасына сәйкес, әкімшілік құқық бұзушылық туралы кодекстің 127-бабы 1-бөлігінде көзделгендей, кәмелетке толмағанды тәрбиелеу, білім беру және оның құқықтары мен қауіпсіздігін қамтамасыз ету міндетін орындамағаны үшін анасына айыппұл салынды.

Сот анасына тағайындалған айыппұлды 30%-ға төмендетіп, 7 АЕК (27 524 теңге) көлемінде төлеуді міндеттеді. Қаулы әлі заңды күшіне енген жоқ.