Павлодар облысында балаларына алимент төлемей жүрген әйел қамауға алынды, деп хабарлайды KYN.KZ ақпарат агенттігі.

36 жастағы әйел екі кәмелетке толмаған баласына 2023 жылдан бері алимент төлемей келген.

«Мысалы, Железин ауданы полициясы 36 жастағы ауыл тұрғынын ұстады, ол өзінің екі кәмелетке толмаған баласына шамамен 3,5 миллион теңге мөлшерінде қарыз болып шықты. Тексеру барысында, ана 2023 жылғы шілдеден бастап алимент төлеу міндетін орындамағаны анықталды. Осы жылдың Павлодар облысы полицейлерінің қабылдаған шараларының нәтижесінде 362 алимент төлеуден жалтарушы тұлғаның арасынан 186 қасақана төлемеуші анықталды», – деп хабарлады Павлодар облысының ПД.

Облыстық Полиция департаментінің мәліметінше, алимент төлеуден жалтарған қарызгерлерге қатысты ең қатаң шаралар қолданылады. Заң нормалары орындалмағаны үшін қылмыстық жауапкершілік қарастырылған.