Түркістан облысы Кентау қаласындағы аулалардың бірінде жаңа туған нәрестенің денесі табылды, деп хабарлайды KYN.KZ ақпарат агенттігі.

Қазір баланың анасын анықтау үшін жедел-іздестіру шаралары жүргізіліп жатыр.

«Полиция қызметкерлері аулааралық аумақтарды аралап, бейнебақылау камераларының жазбаларын зерделеп, сондай-ақ жақын орналасқан үйлердің тұрғындарымен және куәгерлермен сұхбат жүргізіп жатыр», – деп хабарлады Түркістан облысының полиция департаменті.

Ведомствоның мәліметінше, медициналық мекемелер де кешенді түрде тексеріліп жатыр. Сондай-ақ, тергеу мүддесі үшін өзге ақпарат жарияланбайды.