Астанада 1 миллион долларға жуық алаяқтық ісі бойынша сот процесі жалғасуда. Жәбірленуші Бишімбаевтың анасы Альмира Нұрлыбекова деп хабарлайды KYN.KZ ақпарат агенттігі. 

Процесс кезінде екі тараптың адвокаты жаңадан табылған дәлелдемелерді көрсетіп, дауласты.

Жәбірленушінің адвокаты Ерлан Ғазымжанов Нұрлыбекованың Halyk Bank шотында бір миллион доллардан астам қаражаттың бар екенін растайтын дәлелдер табылғанын айтты.

«Біз ақшаның доллармен және қорғаныс теріске шығарған сомадан асатын сомаға алынғанын көрсететін банк анықтамасын таптық. Олар айғақтарды көріп, бірден ашуланды, өйткені бәрі қандай жағдайда да қылмыстық жауапкершіліктен құтылғысы келеді», - деді адвокат.

Нұрлыбекованың туысы Бекзат Кемелова бұған дейін мұндай қаражаттың барын жоққа шығарған еді. Адвокат Ерлан Ғазымжанов Альмира Нұрлыбекова бұл ақшаны 2017 жылдың қаңтарында алғанын айтады.

“Айыпталушы Кемелова: “Бұл ақша қайда, көрсетіңіздер. Оның мұндай қаражаты болмаған, ол ақшаны қайдан алды?” деп айтқан болатын. Бірақ біз дәлелдерді ұсындық. Ол кезде Нұрлыбекова шынымен есіне түсіре алмаған. Енді біз мұны анықтап, дәлелін тауып, іске тіркегіміз келеді”, – деді Ғазымжанов.

Алайда айыпталушының адвокаты Игорь Вранчев оны іске қосуға қарсы екенін білдірді. 

“Әр жауап алу мен беттестіру кезінде Кемеловаға Нұрлыбекованың шамамен бір миллион доллар көлеміндегі ақшасының заңды жолмен алынғанын және бар екенін растау туралы сұрақ қойылды. Бірақ беттестіру кезінде Нұрлыбекова бұл ақшаны қайдан алғанын есіне түсіре алмайтынын айтты. Бірақ қаражаттың қолында 10 жылдан бері болғанын ғана айта алды. Тергеу осыған қатысты құжаттарды іздеді, бірақ таппады. Сондықтан оны заңды дәлел ретінде қарастыруға болмайды. Тергеу аяқталған соң адвокаттың кез келген жаңа дәлелін қабылдау заңға қайшы”, – деді Вранчев. 

Альмира Нұрлыбекова сот отырысына қатысқан жоқ.