Қостанай облысында 2 млрд теңгеге жуық бюджет қаржысын жымқыру бойынша дерегі әшкереленді, деп хабарлайды KYN.KZ ақпарат агенттігі.

Облыстық прокуратураның ақпаратынша, аса ірі көлемдегі қаржы жымқыру ісі бойынша облыстық денсаулық сақтау басқармасының экс-басшысы, басқарманың қазіргі орынбасары, аудандық бас дәрігер, сондай-ақ медициналық құрал-жабдық жеткізуші күдікке ілінген.

«Медициналық ұйымдар тарапынан сұранысқа ие емес жабдықтар нарықтық бағадан бірнеше есе қымбатқа сатып алынғаны анықталды. Осы деректер бойынша Қостанай облысының прокуратурасы қылмыстық істерді тіркеді», – деп мәлімдеді қадағалау органы.

Қазіргі уақытта сотқа дейінгі тергеу жалғасып жатыр. Іс бойынша өзге мәліметтер тергеу мүддесіне байланысты жария етілмейді.