Павел Дуровтың Қазақстан аумағына кіруіне байланысты ықтимал құқықтық салдарлар жөнінде Ішкі істер министрінің орынбасары Санжар Әділов пікір білдірді.

Оның сөзінше, қазір елімізде Telegram негізін қалаушыға қатысты қылмыстық іс тіркелмеген және құқық қорғау органдарының өндірісінде ешқандай материал жоқ. Сондай-ақ Ресей тарапынан ресми экстрадициялық сұрау түспеген.

Әділов шетел мемлекеттерімен құқықтық көмек және ұстап беру рәсімдері Қазақстан Республикасының Бас прокуратурасы құзыретіне кіретінін нақтылады.

Дуровқа қатысты айыптар жайлы не белгілі?

Әртүрлі елдерде Telegram платформасындағы кей контентке байланысты құқықтық сұрақтар туындағаны айтылған. Дегенмен Қазақстан аумағында оған қатысты қандай да бір айып немесе процессуалдық шешім жоқ.