Қытай Парсы шығанағындағы әскери шиеленіске қатысты ресми ұстанымын жариялады. Бейжіңнің мәлімдеуінше, АҚШ пен Израиль тарапынан Иранға жасалған әскери соққылар халықаралық құқық нормаларына қайшы.

Бұл туралы Қытай Сыртқы істер министрлігінің ресми өкілі Mao Нин хабарлады. Оның айтуынша, кез келген мемлекеттің егемендігі мен аумақтық тұтастығы толық құрметтелуі тиіс. Қытай тарапы әскери әрекеттерді дереу тоқтатуға және қақтығыстың ушығуына жол бермеуге шақырды.

Парсы шығанағы ынтымақтастық кеңесінің арнайы отырысында Қытай өкілдері өңірлік тұрақтылықты сақтаудың басты тетігі – диалог пен дипломатия екенін атап өтті. Бейжіңнің ұстанымы бойынша, күш қолдану аймақтағы қауіпсіздік архитектурасын әлсіретіп, жанжалдың кеңеюіне әкелуі мүмкін.

Сарапшылар Қытайдың бұл мәлімдемесін оның Таяу Шығыстағы экономикалық және энергетикалық мүдделерімен де байланыстырады. Иран – Қытай үшін маңызды энергетикалық серіктестердің бірі. Сондықтан Бейжің аймақтағы тұрақсыздықтың тереңдеуіне мүдделі емес.

Қазіргі жағдайда Қытай халықаралық қауымдастықты сабыр сақтауға, ал тараптарды келіссөз үстеліне оралуға үндеп отыр.