Стаффт ханым тек таңдап қана қоймай, әрбір дүниенің мәніне терең үңілді. Ол ою-өрнектердің мағынасы туралы қызыға сұрап, әр сызықтың астарында жатқан дала тарихы, жад пен болмысты тануға ұмтылғандай әсер қалдырды. Нәтижесінде оның таңдауы да символикалық болды — түйе жүнінен жасалған астары бар Jadagai брендіне тиесілі шапан.

Шешім қабылдауға дағдыланған жан ретінде елші бірден өз көзқарасын білдірді: мұндай киімдер музей сөрелері үшін емес, күнделікті өмір үшін қажет. Яғни, оларды кездесулерде де, жұмыс барысында да киюге болады.

Кеңістіктің иесі әрі қазақстандық сән әлемінің нәзік бағыттаушысы Динара Сәтжан жоғары мәртебелі қонақтарға тән сирек қасиетті — шынайы қызығушылықты ерекше атап өтті. Стаффт 30 отандық дизайнердің топтамаларын мұқият қарап шығып, ең маңыздысы — таңдаған киімдерінің әрқайсысы оның жеке стилімен үйлесім тапты.

Мереке құрметіне ұсынылған сыйлыққа қарамастан, дипломат шапанды өз қаражатына сатып алуды жөн көрді.

Сапар соңында Стаффт ханым Наурыз мейрамын жаңа образда қарсы алатынын айтып уәде берді.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от KYN.KZ ақпарат агенттігі (@kyn.kz)