Танымал қазақстандық әзілкеш Нұрлан Сабыровтың Қытайдағы жоспарланған концерті өтпейтін болды, деп хабарлайды KYN.KZ ақпарат агенттігі.

Бұл ақпаратты SHOT Telegram-арнасы жариялады. Ол жерде ұйымдастырушылардың кінәсі жоқ екені де атап айтылған.

Әзілкештің Қытайдағы басқа концерттерінің де өтуі екіталай. Атап айтқанда, 2 сәуірде Гуанчжоуда және 3 сәуірде Бейжіңде жоспарланған кештер де күмән тудырып отыр. Себебі Бейжіңдегі концертке билеттердің сатылымы әлі басталмаған.

Бұған дейін билеттердің бағасы 33 мыңнан 118 мың теңгеге дейін болған.

Әзірге концерттердің нақты не себепті тоқтатылғаны айтылған жоқ.