Яна Легкодимованың өліміне кінәлі деп танылып, өмір бойына сотталған Алтынбек Қатымов пен Ризуан Қайыржанов Атыраудағы тергеу изоляторында жатыр, деп хабарлайды KYN.KZ ақпарат агенттігі "Ақ Жайық" басылымына сілтеме жасап.

Атырау облысы бойынша қылмыстық-атқару жүйесі департаменті сотталғандардың әлі ауыстырылмағанын хабарлады.

«Өмір бойына бас бостандығынан айырылған сотталушылар қазір Атырау облысы бойынша қылмыстық-атқару жүйесі департаментінің тергеу изоляторында отыр. Оларға Қазақстан Ұлттық гвардиясының арнайы күзетін тағайындау туралы өтініш берілдій, – деді Атырау облысы бойынша Қылмыстық-атқару жүйесі департаментінің бастығы Азамат Ізтілеуов.

Оның айтуынша, арнайы күзет тағайындалғаннан кейін сотталғандар соңғы баратын жеріне ауыстырылады.

Алайда олардың қашан ауыстырылатыны әлі нақты жарияланған жоқ.

Еске сала кетейік, Яна Легкодимова шамамен бір жыл бойы хабар-ошарсыз кеткен. Қылмысқа күдікті ретінде екі ер адам ұсталып, олардың бірі оның жігіті болған. Қыздың мәйіті сегіз айдан кейін табылды.

Сот барысында олардың кінәсі дәлелденді.

2025 жылдың 17 қарашасында Яна Легкодаимованы өлтіргендерге сот үкімі шыққан болатын. Күдікті Ризуан Асланов пен Алтынбек Катимов өмір бойына бас бостандығынан айырылды.