Ақтөбе облысында Мәртөк ауданында жоғалып кеткен 10 жасар баланың денесі табылды, деп хабарлайды KYN.KZ ақпарат агенттігі.

Бүгін ТЖМ сүңгуірлері жоғалған Мансұр Саматовтың денесін тапты. Оның мәйіті Елек өзенінен жағадан шамамен 3 метр қашықтықта, 1,5 метр тереңдікте анықталды.

Іздестіру жұмыстарын Сарыжар ауылы маңында ТЖМ, полиция, жергілікті атқарушы органдар, әскери қызметшілер, еріктілер және жергілікті тұрғындар жүргізді.

Іздестіру жұмыстарына иірімді арна, қатты ағыс, қалың өсімдік жамылғысы, сондай-ақ лайлы әрі көріну деңгейі төмен су кедергі келтірген. 

Еске сала кетсек, 29 наурыздан бастап өңірде 4-сынып оқушысына тәулік бойы іздестіру жұмыстары жүргізілген. Бала үйінен шығып, қайта оралмаған. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Қазақстан Республикасы Төтенше жағдайлар министрлігі (@112kz_)