Жапонияда 21 жастағы студент қыз өзі қарым-қатынаста болған ер адамның өзінің биологиялық әкесі екенін білгенде, қатты күйзеліске түсті деп жазады KYN.KZ ақпарат агенттігі democrat.kz сайтына сілтеме жасап.

Қыз Вакана Сонобэ деген бүркеншік атпен таныстырылған. Ол университетке түскеннен кейін көп ұзамай құрбысы арқылы 48 жастағы жағдайы жақсы ер адаммен танысқан. Олардың ара-қатынасы тез арада романтикалық байланысқа, кейін жақын қарым-қатынасқа ұласқан. Біраз уақыттан кейін студент қыз жүкті болып қалған.

Шамамен екі жыл өткен соң белгілі болғандай, бұл ер адам — оның бұрын ешқашан көрмеген әрі араласпаған әкесі екен. Вакананың анасы оны 17 жасында тұрмыстағы ер адамнан босанып, қызын жалғыз тәрбиелеген. Биологиялық әкесі ерте жаста қаржылай көмектескенімен, олардың арасында толыққанды байланыс болмаған.

Қыздың айтуынша, ол бұл ер адаммен «папакацу» деп аталатын формат арқылы танысқан — мұндай қарым-қатынаста ересек ер адам жас қызға қаржылай қолдау көрсетеді. Ол кезде екеуі де олардың туыстық байланысы бар екенін білмеген.

Шындық Вакана ер адамды анасына таныстырған кезде ашылған. Анасы оны бірден танып, олардың арасындағы шынайы байланыс анық болған.

Оқиғадан кейін студент қыз жүктілігін тоқтатты. Оның айтуынша, шындық ашылған сәттен бастап олардың қарым-қатынасы күрт өзгерген: өзара тартылыс жоғалып, оның орнына жиіркеніш сезімі пайда болған. Соған қарамастан, екі жақ әке мен қыз ретінде қарым-қатынас орнатуға тырысқан.

Қазіргі уақытта Вакана университетті аяқтап жатыр және өз бетінше өмір бастауға ниетті. Оның айтуынша, ол биологиялық әкесімен қарым-қатынасты толықтай тоқтату мүмкіндігін қарастырып жатыр.