Шымкентте полиция хиджаб киген қызды ұстады. Ол есірткі таратты деген күдікке ілінді, деп хабарлайды KYN.KZ ақпарат агенттігі.

Полициясының мәліметінше, ұсталған сәтте бойжеткеннің сөмкесінен жалпы салмағы шамамен 2 келі болатын мефедрон салынған төрт пакет табылған. Сондай-ақ электронды таразылар шыққан. Одан бөлек есірткіні өлшеп, орауға арналған қаптама материалдары тәркіленген.

Осыдан кейін полицейлер күдіктінің жалға алынған пәтерінде тінту жүргізді. Пәтерден әрқайсысының салмағы шамамен 5 грамм болатын есірткі салынған тағы 32 орам табылған.

Қылмыстық іс қозғалды. Қыз уақытша ұстау изоляторына қамалды.