Ер адам бұрынғы сүйіктісіне бейәдеп сөздер айтқан.
Орал қаласында 9 маусым ер адам экс-сүйіктісін боқтап, тапаншамен қорқытқан, деп хабарлайды KYN.KZ ақпарат агенттігі.
Мекеме қызметкерінің айтуынша, жұмыс орнына бұрынғы сүйіктісі келген. Ер адам әңгімелесудің орнына жанжал шығарып, бейәдеп сөздер айтып, медициналық мекеменің келушілері мен қызметкерлерінің тыныштығын бұзған.
«Оқиға орнына келген полиция қызметкерлері жедел түрде құқық бұзушының жеке басын анықтап, оны ұстады. Тексеру барысында жанжал кезінде ер адамның қолында сырттай тапаншаға ұқсайтын зат болғаны да анықталды. Алайда жүргізілген тексеріс нәтижесінде бұл зат ойыншық екені және айналадағы адамдарға ешқандай қауіп төндірмегені анықталды», – делінген ПД хабарламасында.
Аталған азаматқа ұсақ бұзақылық фактісі бойынша әкімшілік хаттама толтырылды.
«Іс материалдары сотта қаралып, нәтижесінде ер адам кінәлі деп танылып, оған 15 тәулікке әкімшілік қамау жазасы тағайындалды. Полиция ескертеді: кез келген жанжалды тек заң аясында шешу қажет, қоғамдық тәртіпті бұзуға және агрессиялық әрекеттерге жол бермеу керек», – деп жазады облыстық полиция.
Келесі мақала
Санжар Боқаевты қамау мерзімі 18 шілдеге дейін ұзартылды
Ұқсас жаңалықтар
