Ішкі істер министрі Ержан Сәденов елімізді "штрафстан" деп атайтындарға жауап берді, деп хабарлайды KYN.KZ ақпарат агенттігі.

Бұл туралы министрліктің ресми сайтында жарияланған сұхбатта айтылған. Сәденовтің айтуынша, бүкіл әлемде айыппұл санкциялары тәртіп орнатудың тиімді құралы саналады, ал кез келген жазалау тәжірибесінің басты мақсаты - құқықтық тәртіп пен қауіпсіздік үшін жағдай жасау.

"Әрбір адам бала кезінен мұндай әрекеттер заңға бағынатын азаматқа жат екенін түсінуі керек. Ұлытау облысындағыдай балалардың стадиондағы орындықтарды қиратуы немесе Астанадағыдай саябақтарды өртеуі - мүлдем жол берілмейтін нәрсе. Ал ересектерге үлгі болатын тағы бір жағдай - Атырау облысында кішкентай баланың үлкендерден кейін қоқыс жинап жүргені. Міне, тәртіптің қадірін түсінетін өскелең ұрпақ осы", - деді Ержан Сәденов.