Қуандық Бишімбаевтың туысы Бақытжан Байжанов сәрсенбі, 22 шілдеде бостандыққа шығуға дайындалып жатыр, деп хабарлайды KYN.KZ ақпарат агенттігі Tengrinews.kz сайтына сілтеме жасап.

Бұл туралы сотталушының адвокаты Ғазиз Ынтықбаев хабарлады.

БАҚ-та Байжанов колониядан бүгін шығуы мүмкін екені туралы ақпарат пайда болды. Адвокаттың айтуынша, 22 шілдеде сот отырысы өтіп, онда сот Бақытжан Байжановқа қатысты амнистия актісін қолданған.

"Сот оны дереу босату туралы қаулы шығарды. Жазаның өтелмеген бөлігі үш айдан сәл астам уақыт болды. Бүгін Бақытжан отбасына оралады", - деді Ғазиз Ынтықбаев.

Бақытжан Байжанов жазасын Ақмола облысында Степногорскідегі орташа қауіпсіздік мекемесінде өтеген болатын.