Осыған дейін Алматыда белгісіз біреулердің Денис Тенді пышақтап кеткені хабарланған болатын. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Оқиға бүгін, 19 шілдеде шамамен 15.00-де Құрманғазы мен  Байсейітова көшелерінің қиылысында болған. . Денис Тен – мәнерлеп сырғанаудан 2014 жылғы Сочи Олимпиадасының қола жүлдегері, 2013 жылғы әлем чемпионатының күміс, 2015 жылғы әлем чемпионатының қола жүлдесін иеленген. Конькишілердің халықаралық одағының рейтингінде 9-орында тұр. Қазақстан Республикасының еңбек сіңірген спорт шебері.