Бұл туралы “НемолчиKZ” қорында жарияланды. Қорға марқұм әйелдің туыстары көмек сұрап жүгінген. 

“23 шілдеде күйеуі оны ұрып, қолын сындырған. 26 шілдеде ол өз-өзіне қол жұмсаған – әзірге ресми нұсқа осы. Іс Қылмыстық кодекстің 105-бабы "өзін-өзі өлтіруге дейін жеткізу" бойынша жүргізіліп жатыр”, – делінген желідегі жазбада. 

Марқұм әйелдің артында екі жасар егіз балалары қалған. 

“26 шілде күні күні сіңлім өзіне қол жұмсады. 23 шілде күні күйеуі екеуінің арасында жанжал шығып, күйеуі оны ұрып-соғып, қолын сындырған. Ұялып әрі ата-анамызды аяп, ол маған ештеңе айтқан жоқ. Өзіне қол салардан 1 сағат бұрын сіңлім маған осының бәрін айтып берді, егіз балаларын басқа бауырымызға қалдырып, артынша өзіне қол жұмсады”, – делінген марқұмның туысының хатында. 

Марқұмның туыстары жан-жақты тергеуді талап етуде. 

Алматы облыстық полиция департаменті әзірге жағдайға қатысты мәлімдеме жасаған жоқ.