Қоғам
"Қорқытудың не қажеті бар?": жалғызбасты анаға баспана сыйлаған "Харекет" қоры көпшіліктің ашуын туғызды
Жағдайы төмен отбасыларға үй сыйлап жұретін “Харекет” қоры көпшіліктің сынына қалды. Олар жалғызбасты анаға үй сыйлар алдында балаларымен қорқытып, пранк жасаған, деп хабарлайды KYN.KZ ақпарат агенттігі.
Желі қолданушылары жалғызбасты ананы “балаларыңды тартып аламыз” деп қорқытып, әзілдесудің орынсыз екенін жазуда.
Әйелдің үйіне келген Ақмарал Басирова өзін “балалардың құқығын қорғау комитеті қызметкерімін” деп таныстырады. Үйдегі жағдайды сұрағаннан кейін оларды алып кететінін айтады. Осы кезде аналары мен балалары жылаған. Артынша Басирова қалтасынан кілт шығарып, пәтер сыйлайтынын көрсетеді.
Желі қолданушысы Шалқар Қуанышбаев балаларды қорқытуға болмайтынын жазған.
“Айналайындар-ау, көмек берсеңдер, пранк жасамай-ақ беріңдерші. Онсыз да өмірден қажып, жүйкесі жұқарып кеткен адамдар ғой. Үй сыйлап қуантудың алдында оларды жылатып, балаларынан айырамыз деп қорқытудың не қажеті бар?”, – деді ол.
Бұл пікірге басқа желі қолданушылары да қосылып, контент пранк жасамай-ақ жасауға болатынын жазуда.
Келесі мақала
2027 жылы кейбір жәрдемақы мөлшері өсуі мүмкін
Ұқсас жаңалықтар
