Мемлекет қайраткері Мұхамбет Көпеев ҚР Президенті Қасым-Жомарт Тоқаевпен бірге қызмет атқарған жылдарын да еске алды. Оның айтуынша, сол кезеңде Қасым-Жомарт Кемелұлы өте ашық, қарапайым әрі әріптестерімен еркін пікір алмасатын адам болған.

«Біз көп сөйлесетінбіз. Қасым-Жомарт Кемелұлы қызметке қатысты ойларын, пікірлерін ашық жеткізетін. Оның тағы бір ерекшелігі – есте сақтау қабілетінің өте жоғары болғаны. Архивтегі құжаттардың қайсысы қандай екенін, олардың қашан жазылғанын жақсы білетін. Сол кезде оның жадына ерекше таңғалғаным есімде», – деп еске алады Мұхамбет Көпеев.