Жанельдің сөзінше, жолдасы анасы мен айналасындағы адамдардың пікіріне еріп, отбасынан кеткен. Оған бұл туралы сұрақты желі қолданушысы қойған.

“Күйеуің сені, бала-шағаңды өз туыстарына талатып отырса, өз отбасын шын мәнінде қорғамаса, шешесінің, жанындағы психологтарының, достарының айтқанына еріп, саған талағын беріп, отбасын тастап кетсе… Бірақ ел алдында керемет әке, жардың бейнесінде жүрсе – қиын екен”, – деп жазды ол.

Сондай-ақ, ол бұрынғы күйеуінің сатқындық жасағанын да айтты. Мұны қабылдау ауыр болған.

“Біз, әйелдер, сенеміз ғой, барымызды береміз: энергиямызды, ақшамызды, мотивациямызды. Екі дүниенің бақытын бірге көреміз деп барыңды саласың. Сол жерде ақымақ болғаныңды түсінесің. “Бәрі керемет болады” деген аңғал үмітпен жүресің. Ерлі-зайыпты қол ұстасып, бәрін бірге жеңуге дайын болса, отбасын сақтап қалуға болады. Ал ерің отбасын емес, өз туыстарының айтқанын таңдап кетсе, одан не қайыр?”, – деді Жанель.