Өскеменді Қуат Тұмабаевтың орнына, енді Жақсылық Омар басқарады. Әкімнің қызметіне кіріспес бұрын ол Алматы облысы әкімінің орынбасары ретінде жұмыс істеген. Осыдан төрт ай бұрын орын алған ЖКО-ға қатысы бар Қуат Тұмабаев, облыс әкімінің ықпалымен орнын босату туралы өтініш жазды. Ол қызметінен кеткен  соң, үш күннен кейін 37 жастағы Жақсылық Омар Өскемен қаласының әкімі сайланды. Өмірінің әртүрлі жылдарында ол қаржы министрлігінде, “Қазақстан” телерадиокорпорациясында, Алматының, Шығыс Қазақстан облысының әкімдігінде  жұмыс істеген.