Әнші желідегі парақшасында тікелей эфирге шығып, әдетінше  қолданушыларының сұрақтарға жауап беріп отырды. Алайда өз сұрағына жауап ала алмаған желі қолданушысының бірі “басқа нәрсе айтпай, сұраққа жауап берсеңші” деп төтесінен қойды. Бұндай мінез танытқанына ашуланған әнші “бұл жерден көзіңді құрт” деп ұрысып тастады. “Осы еркектерге не жоқ екен? Бәрін менің жеке өмірім қызықтырады-ей?” деп таңғалды Алтынай Жорабаева. Желі қолданушыларының бірі әншінің реніші орынды екенін айтты, енді бірі қандай жағдай болмасын өнер адамына олай дөрекі жауап беруге болмайтынын айтып жатты. Әншінің ашуланғанына таңғалып, сұрақтарын қойып жатты. Айта кетейік, кейіннен әнші бұл видеоны парақшасынан өшіріп тастады.