Жақында интернетте жазасын өтеп жатқан бұрынғы генерал Серік Күдебаевтың суреті пайда болып, Қазнет қолданушылары арасында қызу талқыға түсті, деп хабарлайды KYN.KZ  тілшісі Ulysmedia.kz- сайтына сілтеме жасап.

Түрмеде түсірілген суретте Күдебаев мол жайылған дастархан басында бірнеше адаммен отырғаны бейнеленген. Дәл осы ахуал оның азаптап, билікті асыра пайдаланғаны үшін сотталғанын ескерген көпшіліктің наразылығын туғызған.

Бұл оқиға қоғамдық реакцияның күшеюіне және Қазақстандағы қамау жағдайларын, сондай-ақ жазалау жүйесіндегі заңдар мен әділеттілік принциптерін сақтау мәселелерін талқылауға әкелді.

Еске салайық, сәуір айының соңында генерал Серік Күдебаев «ауыр зардаптарға әкеп соққан қызметтегі әрекетсіздік» үшін кінәлі деп танылып, 10 жылға бас бостандығынан айырылған болатын. Тергеу мәліметтері бойынша, ол қаңтар оқиғасы кезінде Алматы облысының коменданты бола тұрып, департамент ғимаратынан шығып кеткен.

Күдебаев 23-24 наурызда Қазақстаннан қашып кеткен. Ол Қырғызстан шекарасын заңсыз кесіп өтіп, Бішкекке келіп, одан кейін Түркияға жол тартты. Күдебаевқа іздеу жарияланды. Сәуір айының соңында оның ұсталғаны туралы белгілі болды.

Бұған дейін Қырғызстанда Күдебаевтың қашу фактісі бойынша қозғалған қылмыстық іс бойынша бес айыпталушы сотталған болатын.